កីឡាករ កែវ រំចង់ (ក្រហម)កែវ រំចង់ បានឲ្យដឹងថា រូបគេបានស្នើសុំអ្នករៀបចំកម្មវិធីប្រកួត Thai Fight រួចហើយ ដោយសុំដកខ្លួនពីកម្មវិធីខាងលើ ពីព្រោះមានរបួសគ្រេចកដៃខាងឆ្វេង អំឡុងពេលកំពុងហ្វឹកហាត់កាលពីម្សិលមិញនេះ។ គ្រូពេទ្យដែលពិនិត្យដៃរបស់ រំចង់ បានប្រាប់រូបគេថា មិនអាចប្រកួតបានឡើយ។
កីឡាកររូបនេះបន្តថា របួសដៃរបស់គេ មិនទាន់កំណត់បានថា ពេលណាអាចឡើងសង្វៀនវិញ។ ការមិនបានឡើងសង្វៀន Thai Fight នេះរូបគេបានត្អូញត្អែរថា ពិតជាគួរឲ្យស្ដាយបំផុត ព្រោះជាឱកាសកម្ររកបាន។ ចំណែកឱកាសសម្រាប់ ជួបIquezang លើកទីបីក៏មិនទាន់ប្រាកដ។
ជើងខ្លាំង កែវ រំចង់ ធ្លាប់ឡើងសង្វៀន Thai Fight ចំនួន៤លើករួចមកហើយ ក្នុងនោះរូបគេធ្លាប់ចាញ់ចំនួន២លើក និងឈ្នះ២លើក៕
0 comments:
Post a Comment